Ерлан Кенжеғалиұлы! Мен Сізге мына төмендегі мәселе бойынша жүгініп отырмын.1994 жылдан бері Шымкент қаласындағы М.Х.Дулати атындағы мамандандырылған №8 гимназияның бастауыш сынып мұғалімі болып жұмыс істеймін. 2009 жылы жоғары санатты алдым. Ережеге сәйкес 2014 жылы осы санатты қайта бекітуім керек еді. Бірақ денсаулығыма байланысты 2013 жылдың сәуір айында Астана қаласындағы Ортопедия және травматология институтында маған ота жасалды. Осы отадан соң II топтағы мүгедектік берілді. 2013 жылдың мамыр айында мектеп директорына денсаулығыма байланысты 2014 жылы қайта бекітілуі тиіс жоғары санатымды кейінге қалдыру туралы өтініш жаздым. 2014 жылы екінші рет ота жасалып, I топтағы мүгедектік берілді. Еңбек ету қабілетімнен айырылуыма байланысты 2014-2015 және 2015-2016 оқу жылдарында ақысыз еңбек демалысында болдым.Қазіргі күнде 2016 жылдың қазан айынан комиссияның шешімімен II топтағы мүгедектік берілді. 2016 жылдың қыркүйек айынан бастап өзімнің тұрақты жұмысыма қайта шықтым.
Бірінші мәселе: 2014 жылы қайта бекітілуі тиіс болған жоғары санатым осы бүгінгі күнге дейін сақтала ма?
Екінші мәселе: осы жоғары санатымды қайта бекіту үшін 2017 жылы өтетін аттестацияға қатыса аламын ба?
