Джек Ма музыканттар отбасысында дүниеге келген. Ма Юнь ағылшын тіліне кішкентайынан қызығады. Бала кезінде тіл үйрену мақсатында жақын жердегі қонақ үйлерге келіп, туристтермен әңгімелесетін болған. "Джек" деп оны туристтер атап кеткен. Джек жоғары оқу орнына екі жыл қатарынан түсе алмаған, кейіннен ағылшын тілі пәнінен мұғалім мамандығын тәмамдайды. Мұғалімдікте айына 12-15$ ғана табыс тапқан. Бұны аз көріп жұмыс іздеп 15-тен аса мекемеге сұхбаттасуға барады, алайда ешкім оны қабылдамаған.
Алғаш рет 1995 жылы АҚШ-та болған кезінде ол интернетпен танысады. Достары бұл жерден барлық затты табуға болатынын түсіндіреді. Ең бірінші іздеген сөзі "сыра" болады, бірақ "қытай сырасы" деп жазса іздеу жүйесі таппайды. Осыдан бастап Джекте ғаламтор әлеміне қызығушылық пайда болып , оны өз отанында жүргізуге бел буады. Миллиардердің басшылық ететін компаниясының атауы да қызық - Алибаба , ол оны ертегімен байланыстырып, және қай тілде айтса да жеңіл естілетінін ескерген. Бизнесте өзіндік принциптері бар тұлға. Мысал келтіре кетсем:
Кәсіпкерлік пен саясат екі үлкен әлем, ол екеуін қатар алып жүрмеу қажет.
Компанияны басқаруда 3 нәрсеге назар аударады. 1-клиент, 2-жұмысшы, 3-акционер. АҚШ-та бірінші орында акционерді қояды, бірақ бұл тұжырым қате. Егер сізде клиент болмаса, сіз банкротсыз және кризис болғанда ең бірінші болып акционер қашып кетеді, ал жұмысшы мен тұтынушы қалады. Сонымен қатар, Астанаға келген кездесуінде Қазақстанның алға дамуы үшін шағын және орта бизнеске басты акцент қоюын атап өтті.
