Қазақтың ырымға қатысты "Қазақ ырым етеді, ырымы қырын кетеді" деген сөзі бар. Осыдан-ақ ырымның соншылықты тура еместігін түсіне беруге болады. Жалпы ырымдар да әртүрлі. Мәселен, қара мысық алдыңды кессе жолың болмайды дейтін, "заманауи" ырымдар да бар. Болмаса, түнде тырнақ алма деген "ескірген" ырымдарды оған қосыңыз. Жалпы ырымның халқымыздың ислами танымына қатысты бөлігі де жоқ емес, мәселен, айға қарап дәрет сындырма, нанды баспа, суға түкірме дегендей. Сондықтан ырымдардың өзін екшеп алған жөн.
