Абылай, сұрақ ұнады, осы бір қарапайым сұрақтың өзі біздің аталарымыздың керемет болғанын,ұрпағының ден-саулығына,оның түрлі қатерлерден аулақ жүруін қадағалап отырғандығынан хабар береді. Тобық та, асық та жан-жағы жұмыр,кішкене ғана сүйек, әрі еті сіңірлі,қатты, сүйектен ажырауы қиын мүшелер. Міне сол кішкентай ғана тобықты немесе асықты мүжимін деп мыжғылап отырып балалар жұтып қоятын, сөйтіп қазіргідей жедел жәрдемі жоқ заманда бала өмірлеріне қауіп төндіретін жағдайлар дала өмірінде көптеп кездескен. Сондай қауіптен сақтандыру үшін үлкендер "Тобықты тіспен мүжімеңдер,тобыққа тісің тисе түсіп қалады"-деп сақтандыру мақсатында қорқытып отырған.
