Астанада бизнесмен жас жігіттің құлағын кесіп алатындай кім еді?

Question

Астанада жантүршігерлік қылмыстық оқиға орын алды, барлық әлеуметтік желілер қазір осыны талқылап жатыр деген ақпарат тарап жатыр. Фейсбукта арнайы петиция қабылданды - мақсат қылмыскерлердің қатаң жазалануына қол жеткізу екен. Астанада бизнесмен жас жігіттің құлағын кесіп алатындай кім еді?

Answer 1

Астана қаласының тұрғыны Ә.Жұмағұловты соққыға жығу фактісін тергеу туралы БАҚ үшін ақпарат

Астана қаласының тұрғыны Әліби Жұмағұловтың соққыға жығылу фактісі кең қоғамдық сілкініс тудыруына байланысты, Астана қаласының прокуратурасы келесіні хабарлайды.

Тергеудің алғашқы күнінен бастап-ақ жәбірленуші мәлімдеген фактілердің анық-қанығын жан-жақты анықтау жөнінде қажетті тергеу амалдары жүргізілуде.

2015 жылғы 23 сәуірде аталмыш қылмысты жасауға күдікті ретінде Қ.Жамалиев ұсталынып, 24 сәуір күні оған қатысты іс материалдары қамауға алу шараларын қабылдау үшін сотқа жөнелтілді.

Есіл ауданы прокурорының санкциясымен күдікті Қ.Жамалиевтің тұрғылықты жеріне, сондай-ақ оның қызметтік кеңсесіне үш рет тінту шаралары жүргізілді.

25 сәуір күні полиция қызметкерлері қылмысқа қатысты екінші адамды – А. Прибытковты (Жамалиевтің жүргізушісі) ұстады.

Дәл осы күні қылмысқа қатысты үшінші күдікті – А. Әбілтаевқа іздеу жариялай отырып, оны сырттай қамауға алу шарасын санкциялау туралы ұсыныс келісілді.

Тергеу барысы Бас Прокурор мен Ішкі істер министрінің жеке бақылауына алынды.

Астана қаласының прокуратурасы

Answer 2

Қайрат деген бизнесменнің ашынасы əрі бір баланың анасы, мына шалды тастап, жас Əліби деген жігіттің басын қатырып жүреді. Айнұр Мисс екі жақтың да басын қатырып жүрген . Айнұрдың Əлібиге келіп жүргені бəрі үйінің бақылау камерасына жазылып қалған. Айнұрдың жүрісін біліп қойған Қайрат Əлібиге звондап Айнұрдың үйіне шақырады. Əліби барады. Барған кезде Қайрат бизнесмен жалғыз емес, жүргізушісі Толикпен, қорғаушысы Арман болады. Əлибиді əбден ұрып, адам өлтіргенмін деп айтқызып видеоға түсіріп алады. Əлибиді үтікпен күйдіріп, құлағын кесіп, басына секіріп құлағын естірпей тастаған. Егерде біреу міреуге айтсаң отбасыңды қырамыз деген . Сосын Əлибиді көшеге лақтырып кеткен. Ал Əлибидің əкесін халқынан интернет арқылы көмек сұрауға мəжбүр еткен, мынау Астана ішкі істер органдағылары үш күннен кейін кепілдікпен босатамыз деген. Əліде Нұрлан ағамның Отбасына қауіп төніп тұр. Өйткені əліде қорқыту үркіту болып жатқан көрінеді. Бір қызығы Айнұр қыз ақшаға сатылып па əлде қорыққаннан болар Əлибиге қарсы шағым жазып отыр. Заңды сатып алуға болатын шығар, бірақ баланы жалғыз ұрпағыңды жасың келгенде қайдан сатып аласың! Қылмыскерлер жазасын алсын. Мен ҚР азаматшасы ретінде осы қылмыстың соңына дейін бақылауда ұстап, заңды жазасын алуды ҚР Президенті Н. Ə. Назарбаевтан сұраймын!