Қоғамда халықтың назар аударуы тиіс маңызды мәселелері болады. Ақпарат құралдарында көп айтыла берсе халық та аталмыш түйткілді мәселеленің қаншалықты маңызды екенін біледі. Сөйтіп азаматтар өздері сайлаған билік органдарымен байланыс орната отырып, әлгі мәселені шешуге күш салатын болады. Шын мәнінде қоғам мүшелерінің мүддесі, қызығушылықтары әр түрлі болады. Біреу үшін маңызды нәрсеге екінші біреу селқос қарайды. Ал тілшілер сол өзекті мәселелер жайлы ақпарат беріп отырады.
Тілшілер - төртінші билік емес, биліктің төртінші тармағы. Демек, біреу басқарады, біреу қалай басқарудың жоспарын жасайды, біреу соны атқарады, ал төртінші біреулер басқа үш тармақты халықпен байланыстыруға күш салады. Өзім биліктің төртінші тармағы дегенді осылай түсінем...
