Заңсыз өнім деген не? Мысал келтіре аласыз ба?
ҒАЛАМТОРҒА ЗАҢСЫЗ ӨНІМ САЛҒАНДАР ЖАУАПҚА ТАРТЫЛАДЫ
Қазақстандық интернет сайттарға түрлі бейне клиптер мен фильмдерді автордың рұқсатынсыз орналастыруға тыйым салынбақ. Бұдан былай ғаламторға өз еркімен ән мен күйді жүктейтіндердің жолы кесіледі. Өйткені елімізде «Авторлық құқық пен сабақтас құқық жөніндегі» Заңға толықтырулар енгізілді. Өзгерістер 31 қаңтардан бастап күшіне енеді. Сөйтіп, біреудің өнімін ғаламторға заңсыз орналастырғандар қомақты айыппұл төлейді.Ғаламторға сан алуан ән мен биді, фильм мен бейне түсірілімдерді емін еркін орналастырып келгендердің жолы кесілетін болды. Зияткерлік меншіктің сойылын соғатын мамандар авторлық құқықты қорғауға мықтап кірісті. Енді интернетке әнші мен күйшінің туындысын орналастырушылардың қалтасы қағылмақ. Бірінші, ақпаннан бастап Қазақстан республикасының кейбір заңнамалық актілеріне зияткерлік меншік мәселесі бойынша өзгерістер енгізіледі.
