Сыбайлас жемқорлық қылмыстар жасағаны үшін жазаның түрі мен мөлшері жасалған қылмыстық әрекеттің қауіптілік деңгейі мен келтірілген залалына байланысты болады.
Мәселен, Қазақстан Республикасы Қылмыстық кодексінің 13-тарауында «Мемлекеттiк қызмет пен мемлекеттiк басқару мүдделерiне қарсы сыбайлас жемқорлық және өзге де қылмыстар» үшін әртүрлі жазалар қарастырылған, атап айтқанда:
бес жүзден және одан жоғары айлық есептiк көрсеткiшке дейiнгi мөлшерде айыппұл;
үш жылдан немесе одан артық мерзімге белгiлi бiр лауазымдарды атқару немесе белгiлi бiр қызметпен айналысу құқығынан айыру;
бір жүз жиырма сағаттан және одан көп уақытқа қоғамдық жұмыстарға тарту;
екі жылға дейін түзеу жұмыстары;
екі жылдан және одан артық мерзімге бас бостандығын шектеу;
екі жылдан және одан артық мерзімге бас бостандығынан айыру;
мүлкiн тәркiлеу.
