Бұл реттегі неке қиюдан бас тарту заңды болып есеп­теледі. Қазақстан Республика­сында неке қию тәртібі тек Неке және отбасы туралы заңымен реттіліп қоймай, 1999 жылы 22 мамырда бекітілген №620 «ҚР азаматтық ахуал­дағы актілерді тіркеу тәртібі туралы Ережелер» атты ҚР Үкіметі қаулысымен де рет­теледі. Арызды бірге беру мүм­кіндігі болмаған жағдайда некеге тұратын адаммен өтніш беру мүмкіндігі жоғарыда ата­лып кеткен Ереженің 73 пунктімен қарастырылған. Негізінен, бұл пунктте «Егер белгілі бір себеп бойынша Азаматтық ахуалдағы актілерді жазу бөліміне арыз бер­ген кезде некеге тұру үшін ниет білдірген екеуі де келе алмаған жағдайда (бір-бірінен алшақ тұрғанда, қатты нау­қаста, әскери қызметтен өту кезінде және т.б.) екі тұлғамен қол қойылған арыз некеге тұратын тұлғалардың біреуі­мен берілуі мүмкін». Бұл ретте бірлесіп жазылған арыздағы келе ал­маған тұлғаның қолы нота­риалды түрде куәлан­дырылу қажет.
Сонымен қатар қойылған қол Азаматтық ахуалдағы актілерді жазу (АХАЖ) орга­нының бастығымен, немесе тіркеумен айналысатын ауыл әкімшілігінің лауазымды тұлғасымен куәландырылуы мүмкін; сондай-ақ шетелде жүрген Қазақстан Респуб­ли­касы азаматтарының қолын – ҚР консулдық мекемесінің лауазымды тұлғасымен; әс­кери қызметкерлерінің қолын – әскери бөлімінің коман­дирі­мен; ҚР туы астында жүзіп жүрген теңіз кемелері немесе ішкі жүзудегі кемелеріндегі ҚР азаматтарының қолын – осы кемелердің капитандарымен; барлау, арктикалық және өзге де осындай экспедициялардағы ҚР азаматтарының қолын – осы экспедициялардың бас­тықтары, стационарлық емдеу-профилактикалық мекеме­лерінде емделіп жатқан аза­мат­тардың қолын – осы мекемелердің әкімшілігімен куәландырылады.
Демек, сіздің жағдайыңыз аталған осы нормалармен рет­теледі. Өкінішке қарай, беріл­ген арызыңыз дұрыс ресімдел­меген, өйткені сіздің жағ­дайыңызда некеге тұратын күйеу жігіттің қолын нота­риуста куәландыру керек еді. Күйеу жігітіңіз жұмыс істейтін ұйым басшысының қолы бұл ретте жеткілікті болмаған­дықтан, нотариалдық куә­лан­дырудың орнын ауыстыра алмайды.
