Ресейдің оппозициялық саясаткері Эдуард Лимонов өткен жылы Facebook-парақшасында Қазақстан жайлы оғаш пікір айтып, девальвацияның Қазақстанға теріс ықпал етіп отырғанын сөз ете келе, «Назарбаев саясаттан кеткеннен кейін Қазақстанның солтүстік аймақтарын Ресейге қосып алуды» ұсынды. Жириновскийдің «Ресей шекарасын оңтүстікке кеңейту» ниеті тағы бар. Жириновский «Қазақстанға территориялық наразылықты қашан білдіресіздер?» деген сауалға: «Әзірше күтеміз. Украинаны тындырып алайық. Қазақстан – Кеден Одағы мүшесі. Бірақ онда да русофобтық көңіл-күй таратып жатыр. Қазақстандағы жаңа оқулықтарда ылғи орысқа қарсы көңіл-күй бар» деп жауап берді. Хакасия республикасы жоғары кеңесінің төрағасы Штыгашев Қазақстанның кейбір облыстары бұрын «Ресейдің құрамдас бөлігі болғанын», Ресей Қазақстанға «бес облысын бере салғанын», теориялық тұрғыдан олар «референдум арқылы Ресей құрамына қайтарылуы мүмкін екенін» айтқан. «ВКонтакте» танымал әлеуметтік желісінде «Северный Казахстан – это русская земля» («Солтүстік Қазақстан – орыс жері») атты топ парақшасы ашылды. Оған қоса «Ол (Назарбаев) ерекше нәрсе жасады. Ол ешқашан мемлекет болмаған аумақта мемлекет құрды. Қазақтарда ешқашан мемлекеттілік болмаған» деді Ресей президенті Путин. Бұл қауіп емес пе? Сырттан қауіп төніп тұрса да Елбасымыздың саясатын қолдамай биліктен кетуін қалай береміз бе? Болашақта Солтүстік облыстарды сақтап қала алмыз ба? Не істеуге болады?
