Біз Қытай мен Ресейге тәуелді емеспіз. Тәуелдіміз деп кесіп айтпас бұрын осы сөздің мағынасын түсінсек. Қазақстанның өзінің әлем картасында тайға таңба басқандай жері, көк байрағы, елтаңбасы, әнұраны,мемлекеттік тілі бар. Бұл егемендіктің негізгі белгілері емес па?! Біздің отаршылдық бұғауынан босағанымызға небәрі 23 жыл болды. Осы азғана жыл ішінде Қазақстан қарыштап дамып, мемлекеттік, саяси, әлеуметтік тұрақтылығын сақтап, дамушы ел қатарына қосылды. Осы күнге дейінгі жетістіктерімізді тізіп жазып жатпай-ақ қояйын. Ары қарай күшею үшін бізге көрші елдердің көмегі, қолдауы қажет. Ал осы орайда Қытай мен Ресей таптырмас серіктес емес па?! Бізде олармен тығыз экономикалық қарым- қатынас. Ия, бізде аса мықты өнеркәсіп орындары жоқ, бірақ ол істер қолға алынып жатыр емес па?! Бұйырса, ол істе жөнге қойылар. Неге біз қара аспанды төндіріп өзімізді кемсіте береміз, өзімізді көтеріп ,Қазақстанның дамуына үлес қоспаймыз ба?! Және қазақ елі бодандықтан құтылам дегенше , талай қиындықтарды басынан өткерді емес па?! Бұл 200 жылдан астам уақытқа созылған үрдіс еді. Ал осындай "тар жол, тайғақ кешумен" келген тәуелсіздікті айтудан неге жасқануымыз керек, біз Тәуелсіз Қазақстанда тұрамыз және Тәуелсіз Қазақстанды мақтан тұтамыз.
