Хадиске мән беріп, қарасақ шахид болу деген – өзін-өзі жару емес. Мұсылман адамды қасақана өлтіріп және шахид болам деп өзін-өзі жарғанның үкімі – өз-өзіне себепсіз қол жұмсауға жатады. Бұл өте үлкен күнә. Құранда Алла Тағала айтады: «…өздеріңді өз қолдарыңмен қауіп қатерге салмаңдар…». («Бақара» сүресі, 195-аят). Екіншіден, басқа бір адамды жазықсыз өлтірді. Құранда Алла Тағала бұл туралы былай дейді: «Кім бір мүмінді әтейге өлтірсе, оның жазасы, ішінде мүлде қалатын тозақ болады. Сондай-ақ оған Алланың ашуы, қарғысы болып және оған зор қинау әзірлеп қойған». («Ниса» сүресі, 93-аят)
