Жануарлар жасушаларының жасуша қабырғасы болмайды. Сондықтан көпжасушалы жануарлар бұлшықет жасушаларының жиырылуы есебінде қозғала алады, ал саңырауқұлақтар және өсімдіктер олай жасай алмайды. Қазір жарғақшаның үш өлшемді екені дәлме-дәл анықталған. Ортасында бір фосфолипидтердің екі молекулалы қабаты (билипидті қабат) болады.
Әдеттегі эукариот жасуша үш бөліктен: қабықша, цитоплазма жөне ядродан тұратыны естеріңде болар. Прокариот жасушаларда ядро болмайды, сондықтан ол қабықшадан және цитоплазмадан тұрады. Демек, барлық жасушалар үшін қабықша және цитоплазманың болуы міндетті болып табылады. Цитоплазма құрамында жасушалардың барлық құрылымдары болады. Сондай-ақ тіршілікті сақтайтын үдерістердің құрамдас бөліктері өтіп жатады. Қабықша жасушаны қоршаған ортадан шектейді. Жасушалық қабықша ұғымын айқындап, нақтылауды қажет етеді. «Жасушалық қабықша» ұғымы мүлде әр түрлі дербес құрылымдармен үқсас болуы мүмкін немесе «жасуша қабықшасы» деп аталады. Бұл — жасуша қабырғасы және жасушаның сыртқы жарғақшасы (плазмалық жарғақша, плазмалемма).
