Әріптестер әңгімесінен:
– Қой, жұмыстан қолым қалт еткенде кітап жазуға кіріспесем...
– Аяқастынан жазушы болып кетейін деп тұрсың ба?
– Өйтпесем, қазір оқитын қызықты кітап жоқ...
Екі ғалым жолығып қалады:
– Сіз докторлығыңызды қашан қорғайсыз?
– Магистранттарым жазып бітірсе болды...
Біреу алтын балық ұстап алады. Алтын балық:
– Тілегіңді айт, орындаймын.
– Қандай тілек айтуым керек?
– Мысалы, кеше бір жігітті миллионер жасадым...
Жігіт алтын балықты қатты қысып тұрып:
– Маған сол жігіттің аты-жөні мен мекенжайын айт!
Әйел затына не берсең де, саған асырып қайтарады. Егер оған отбасылық өмір сыйласаң, ол саған нәресте сыйлайды. Баспана салып берсең, сол баспанаға жылу дарытады. Азық-түлік әкелсең, дәмді тағамдар әзірлеп береді. Күлкі сыйласаң, тіпті өзінің жүрегін де тарту етеді. Ал егер бір ғана қатты сөз айтып қалсаң, бітті... Үстіңе қи-қоқысты үйіп тастайды!
Әжесі бес жасар немересіне айтады:
– Құлыным, қарашы, «бип-бип» келе жатыр.
– Әже, қойшы, қайдағыны айтпай. Бұл BMW 325 қой!
