Бүгін «Протон-М» зымыран-тасығышы «Байқоңыр» ғарыш айлағынан ұшырылғаннан кейінгі алғашқы минутта жерге құлады. Апатты «Россия 24» телеарнасы тікелей эфирде көрсетті.
Астана уақыты бойынша, таңғы сағат 8-ден 38 минут өткенде ұшырылған зымыран, бірнеше секундтан соң, траекториясынан ауытқып, ғарыш айлағының аймағында құлады. Оған орбиталдық топты толықтыруға арналған үш бірдей «Глонасс» байланыс спутнигі артылған болатын. Төтенше жағдай қызметкерлері апат салдарынан болған өртті дереу сөндірді. Осы оқиғаға байланысты, «Роскосмоста» арнайы комиссия құрылды. Апат болған жерге «Байқоңыр» ғарыш айлағы орналасқан Қызылорда обласының Төтенше жағдайлар жөніндегі департамент басшылығы шықты. Департаменттің баспасөз қызметі жасаған мәліметке сүйенсек, олар зымыранның улы гептил жанармайының төгілу фактісін тексеруде. Әзірге «Протон-М» зымыран-тасығышының құлауына не себеп болғаны туралы нақты мәлімет жоқ. Алдын-ала болжам бойынша, оған не қозғалтқыштағы ақау, не бақылау жүйесінің бұзылуы әсер еткен. улы заттары 500 тоона
