Жәннәттың сипаттамасы
«Жәннат нәсіп болғандар жәннатқа кіргенде, жаршы: “Расында, сендер мәңгі өмір сүріп, ешқашан өлмейсіңдер. Дендерің сау болып, ауырмайсыңдар. Жас болып, қартаймайсыңдар. Рахатқа бөленіп, жаманшылыққа ұшырамайсыңдар” деп жар салады.”
Хадисті Әбу Саъид Әл-Худриден (р.л.ғ) Имам Муслим риуаят етті.
Күнделікті сорпасы қайнаған тіршілікте той – томалақта, қуанышты жиындарда адамдар “Мәңгі жаса”, “Бірінші байлық денсаулық” деп денсаулық тілеп, “Уайым – қайғы болмасын” – деген сынды жанға жағымды тілектер айтады. Шын мәнінде бұл тілектердің сүйіншісі Алла Тағаланың жәннатында екенін бірі білсе, бірі білмейді, сол себепті Алла Тағала бізге жәннаттан орын нәсіп етсін.
ЖӘННАТҚА ЕСЕПСІЗ КІРЕТІНДЕР
“Менің үмметімнің жетпіс мыңы жаннатқа сұраусыз кіреді. Олардың жүздері Бәдр түніндегі толған айдай жарқырып тұрады.”
Хадисті Әбу Һурайрадан (р.л.ғ.) Имам Муслим риуаят еткен.
Жәннатқа бірінші болып кіретіндердің сипаттамасы
“Жаннатқа бірінші болып кіретіндер Бәдр түніндегі толған айға, ал олардан кейінгілер аспандағы ең жарық жұлдызға ұқсайды. Олар жаннатта дәрет сындырмайды және түкіріп-сіңбірмейді. Олардың тарақтары алтыннан болып, денеден шыққан тердің иісі мисктің иісіндей болады. Хош иісті шығаратын аспаптардан алоэ жанып тұрады. Әйелдері ботагөзді хор қыздары болады. Олардың реңі адамға ұқсап, жүзі Адамға ғ.с тартады. олардың бойы алпыс шынтаққа тең”.
Әбу һурайрадан р.л.ғ Имам Бухари және Муслим риуаят етті.
“Мен Расулуллаһтың с.ғ.с: “Жәннаттағылар онда жеп-ішеді, түкіріп-сіңбірмейді және үлкен-кіші дәрет сындырмайды” – дегенін естідім. сонда адамдар: “Сонда ішіп-жегені қайда кетеді?”-деп сұрағанда, Расулуллаһ с.ғ.с: «Ішіп-жегені кекірік болып шығып, оның иісі мисктің иісіндей болады. әрі адамдардың тәспих пен тахмидті айтуы, олардың дем алғанындай әдеттегі ісі болады”-деді
Жәбирден р.л.ғ имам Муслим риуаят етті.
“Мүминннің жаннатта биіктігі алпыс шақырым болған, бүтіндей інжу шатыры болады. Ол шатырда мүминмен бірге оның отбасы мүшелері де тұрады. Мүмин оларды аралау үшін шыққанда, олар бірі-бірін көрмейтіндей үлкен болады.”
Әбу Мусадан р.л.ғ имам Бухари және имам Муслим риуаят етті.
“Жаннатта бір ағаш бар. Салт атты оның бір шетінен екінші шетіне, арнайы дайындалған жүйрік атпен жүз жыл шапса да жете алмайды.” Әбу Саъид Әл -Худриден р.л.ғ. имам Бухари және Муслим риуаят етті.
“Жаннаттағы садақтың көлеміндей орын, бүкіл дүниеден артық.”
Әбу һурайрадан р.л.ғ. имам Бухари және имам Муслим риуаят етті.
Мұсылман үшін жәннаттан да артық нығмет бар, ол АЛЛА ТАҒАЛАНЫҢ ДИДАРЫНА ҰШЫРАСУ. Бұл тұрғыда Суһайбтен р.л.ғ имам Муслим риуаят еткен хадис шәріпте:
“Жаннат нәсіп болғандар жаннатқа кіргеннен кейін Алла Тағала:
“Сендер Менің тағы да бірдеңені беруімді қалайсыңдар ма?”-деп сұрағанда, олар: “Сен жүзімізді ағартпадың ба? Бізді жаннатқа кіргізіп, тозақ отынан құтқармадың ба? – дейді. сонда Алла Тағала пердені ашқанда, жаннаттағылар үшін Раббыларын жүзбе-жүз көруден артық нәрсе болмайды.”
وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئاً
“Қиямет күні әділет таразысын орнатамыз. Сонда ешбір жан ешқандай әділетсіздікке ұшырамайды.” (Әнбия сүр. 47-аят.)
Аллаһ Тағала жаннатты жаратқаны жайында айтқан. Хақ Тағала жаннатты жаратып, Жәбрәилге (ғ.с.) оны барып көруін бұйырады. Жәбрәилге (ғ.с.) жаннатты көргеннен кейін: «Я, Аллаһ Тағала! Сенің ұлықтылығыңмен ант етемін! Бұл жайында естіген адам, оған кірмей тынбайды»-деді. Яғни жаннаттағы рахат пен ләззат жайында естіп, білгеннен кейін, оған барудан кім бас тартсын?».
Сонда Аллаһ Тағала жаннаттың айналасын міндетті түрде намаз оқу, ораза ұстау, жиһадқа қатысу, қажылыққа бару т.с.с. машақатпен қоршап қойды. Осыны орындасаң жаннатқа кіресің. Кейін Жәбрәилге (ғ.с.) жаннатты қайта көруін бұйырды. Сонда Жәбрәил (ғ.с.): «Я, Аллаһ Тағала! Мен жаннатқа ешкім кіре алмай қала ма деп қорқамын»,-деді.
Ей, Аллаһтың құлы! Сенің кеудең әзірше бір жұтым ауа жұтуға қабілетті болып, әзірге сенің қолдарың өзіңе бағынып тұрғанда, әзірге сенің аузың қозғалып тұрғанда өз жүзіңді Жаратушыға бұр және тамұқтың жалынынан ең болмаса жарты құрмамен, ал егер оны таба алмасаң, онда жылы сөзіңмен болса да құтылуға асық!
Ей, Аллаһтың құлы! Істегендерінің өтемі үшін адамдарға дайындалған Тозақ пен Жәннатқа сенбейінше сенің дінің дұрыс болмайды. Бұл екеуінің бар екеніне иман келтірмесең онда Аллаһқа сенгеніңнен еш мағына болмай қалады.
Алла Тағала бізді тозақ азабынан сақтап, жаннаттан орын нәсіп етсін! Әмин!
http://www.qazaq.kz/?p=1417 осы сайттан қарадым...))
