Банк қызметкерлерінің кеңесі керек!

Question

Көптен бері маған Kaspi Bank-тің менеджерлері, мен танымайтын бір азаматтың атын айтып, жыл басында банктен несие алғанын, сәуір айынан бастап төлемей жүргендігін айтты. Ол азамат менің нөмірімді несие рәсімдеу кезінде  танысы ретінде беріпті. Мен оны танымайтынымды, бұл туралы қайта хабарласпауларын өтіндім. Менеджерлер кешірім сұрап, қайта хабарласпайтындарын айтқан. Алайда, көп кешікпей, қайта қоңырау шала бастады. Соңғы рет  банк қызметкері қарызы бар адамды жасыру, қылмыстық іс болып саналатынын ескертті. Бірақ, мен шынында да ондай азаматты танымаймын. 8-800-080-18-00 телефоны бойынша клинеттерді қолдау қызметіне де хабарластым. Алайда, қоңыраулар тиылған жоқ. Қалай құтылсам болады?

Answer 1

Кейде ондай жағдайлар кездесіп қалады. Егер қателесіп қоңырау шалса, банк атынан кешірім сұраймын. Біз мұндай қате ақпараттарды азайту үшін үшін жұмыс істеудеміз. Банк қызметкері немесе коллекторлық компания қызметкерінің сіздің телефонға қоңырау шалуының бірнеше себебі болуы мүмкін. Мысалы: клиент несие рәсімдеу кезінде анкеталық мәліметтерді қате толтыруы немесе тұрғын мекен-жайын өзгертуі мүмкін, ол пәтерде қазіргі кезде басқа адам тұруы мүмкін. Егер сізге қателесіп қоңырау шалса, бұл туралы бізге бірден хабарласыңыз. Бұл үшін: 1. Кез-келген ұялы телефоннан 9999 (қоңырау шалу тегін) нөміріне хабарласып, жағдайды айтыңыз. Қызметкерлер демалыссыз 24 сағат жұмыс істейді. 2. klientplav@kaspibank.kz электронды жәшігіне хат арқылы жазып жіберіңіз. 3.Банктің ресми сайтына www.kaspibank.kz кіріп, сайт арқылы хабарлама жіберіңіз. Жақын арада сізге клиенттерді қолдау қызметінен хабарласып, қажетті кеңестерді беріп, проблеманы шешуге көмектеседі.