Қазақстандық екі әнші - Ринат Малцагов пен рэпер Дилани "Хочу к Меладзе" шоуының іріктеуінен өтті, - деп хабарлайды Tengrinews.kz тілшісі.
"Хочу к Меладзе" - "Хочу в ВИА Гру" халықаралық авторлық форматының жалғасы. Оның жеңімпаздарына Константин Меладзенің өзі продюсер болады. Ол жас таланттарды екі жыл ішінде ТМД көлеміндегі ең танымал әншіге айналдырамын деп отыр. Шоу қазыларының құрамына Сергей Лазарев, Владимир Пресняков, Тимати, Анна Седокова, Полина Гагарина және Ева Польна енген. "Хочу к Меладзе" думаны 1 қыркүйекте эфирге шығады, Қазақстанда оны "Жетінші арнадан" көруге болады.
