Қош келдіңіз! Біздің сайтта сұрақтарға жауап беру арқылы ұпай жинап 100 мың теңге ұтып алыңыз! Сәттілік!

Көз айналасындағы терістен қалай құтылуға болады?

0 дауыс
1,435 қаралды

1 жауап

0 дауыс
жауап берді 31 Шілде, 15 Жұман
белгіленді 31 Шілде, 15 Арман
 
Үздік жауап
КӨЗ АЙНАЛАСЫ ТЕРІСІН КҮТУДЫҢ 6 ЕРЕЖЕСІ
 
Көздер, яғни, көз айналасындағы тері сіз туралы көп нәрсе айта алады, сонымен қатар жасыңыз туралы сырды да жасырмайды. Осы аймақтағы теріні мінсіз, қараюсыз, әжімсіз, ісіксіз және көз асты ісігінсіз сақтау мүмкін бе? Егер ерінбесеңіз және нәзік аймақты дұрыс күтсеңіз, бәрі де мүмкін!
 
Көз айналасындағы тері сондай жұқа әрі нәзік, өйткені онда ешқандай тері майы мен бұлшықет жоқ және коллаген мен эластин өте аз. Шынын айтқанда, беттің басқа аймақтарына қарағанда, қабақ терісіне күш көп түседі. Күніне орта есеппен 24 мың рет көз ашылып-жабылады. Тері жайлап тартылып, майда әжімге толады, сол себепті көзді 25 жастан бастап күту қажет, бұған сізге дайын кремдер мен салондық процедуралар ғана емес, сонымен қатар халықтық әдіс-тәсілдер көмектеседі.
 
Бұдан басқа, егер әдеттеріңіз бен тамақ ішу салттарыңызды аздап өзгертсеңіз, көз асты қараюы мен ісуі, әжімдердің пайда болуы қаупін азайтуға болады. Көз айналасындағы нәзік теріні күтудің ең маңызды ережелерін қарайық.
 
1. Макияжды кетіргіш құрал
 
Осы аймақта әжім бұрыс күтім әсерінен пайда болуы мүмкін. Күнде кешке көз айналасындағы теріні декоративті косметикадан мұқият және абайлап тазарту керек. Сүт, май және майлы кремдерді суға төзімді косметиканы пайдалансаңыз ғана қолданыңыз. Егер олай болмаса, онда сізге лосьон дұрыс келеді. Сондай-ақ, хош иістендірілген құралдарды жақындатпаңыз, ал макияжды кетіру үшін мақта жастықшаларды пайдаланыңыз. Макияжды сүрткен соң, тазартқыш құрал қалдығын кетіру үшін міндетті түрде жуыныңыз.
 
2. Декоративті косметиканы пайдалану
 
Декоративті косметиканы дұрыс жағыңыз, ол қабақ үшін негізі зиян емес, егер жаққанда қабақ терісін созып жақсаңыз, көзіңізді сығырайтсаңыз, әжім түсіреді. Қабақ бояуы үшін кәсіби қылқалам сатып алыңыз, өйткені жинақтағы жаққыштар қолайсыз келеді.
 
3. Дұрыс крем
 
Осы аймаққа ешқашан бет кремін пайдаланбаңыз, өйткені ол – өте ауыр, майлы және тіпті әжім пайда болуына себеп болады. 
 
Көз айналасына арналған крем жеңіл құрылымды, жабыспайтын болуы тиіс, әйтпесе, бұл терінің созылуына соқтырады. Майлы кремді пайдаланбаған дұрыс, ол ісік тудырады. Крем құрамында А, Е дәрумендері, эластин, коллаген, күннен қорғағыш фактор болғаны жөн. Сонымен қатар, құрамында көзді тітіркендірмейтін бейтарап рН болуы тиіс.
 
Теріңіз аздап ылғал (сулы емес) кезде, қабақтың үстіңгі және төменгі сықызтарына аз мөлшерін абайлап сабалап жағыңыз. Есте сақтаңыз, крем көздің сыртқы бұрышынан ішкі бұрышына төменгі қабаққа қарай және ішкіден сыртқа жоғарғы қабаққа жағылуы қажет. Бұл терінің созылуынан сақтайды.
 
4. Көзге арналған жаттығу
 
Көз айналасындағы теріні нығайту мен көруді жақсартуға арналған жаттығулар.
 
— Ыңғайлап отырыңыз, иықты түзулеңіз, басыңызды тіке ұстаңыз.
— Алдымен оңғай, сонан соң солға, төмен және жоғары қараңыз. 
— Көзіңізбен алдымен оңғай, сонан соң солға қарай шеңбер қимыл жасаңыз.
— Мұрныңыздың ұшына екі көзіңізбен қараңыз. Маңдайыңызды жиырмай, көзіңізді қатты ашыңыз. Онға дейін санап, төмен қараңыз.
— Көзіңізді жұмыңыз, көзіңізді қатты ашып ұзаққа қараңыз, сонан соң көзіңізді қайта жұмыңыз.
— Саусағыңыздың ұшымен көз алмасын абайлап басыңыз, сонан соң көзді жұмыңыз, демалдырыңыз. 10 рет қайталаңыз.
 
5. Үй тағамы рецепті
 
Арнайы кремдермен қатар, сынақталған халықтық әдіс-тәсілін пайдаланыңыз. Оларды тұрақты қолдансаңыз, әсерін береді. 
 
1-Рецепт. Көз айналасындағы қараюды картоп кетіреді. Тазартылған шикі картопты дөңгелектеп кесіп, 20-25 мин көзге қойыңыз. Сонымен қатар, шикі картопты үгіп, ақжелкен немесе аскөк қосып, дайын болған ботқаны қабаққа жағыңыз.
 
2-Рецепт. Көз астындағы ісікті мына қиын емес рецептпен кетіруге болады. Кептірілген түймедақ гүлінің бір ас қасығын алып, бір стақан ыстық су құйып, қақпақпен жауып, 10-15 мин тұндырыңыз. Бұл көз қабынуына да көмектеседі. Жөке, жалбыз жапырақтарынан жасалынған ванналар да өте пайдалы.
 
3-Рецепт. Ақ нан уақ әжімді жаза алады. Нанның жұмсағын аздап ысытылған өсімдік немесе ерітілген сары майда жібітіңіз. Езбені көзге қойыңыз да, 20-25 мин қалдырыңыз, сонан соң жуып тастаңыз.
 
6. Пайдалы әдеттер
 
Жарқыраған жазды күндері және шуақты қыстың күндері көзілдірік киюді әдетке айналдырыңыз. Көзілдірік ультра күлгін сәулелердің теріс әсерінен басқа көзіңізді сығырайтудан қорғайды.
 
Компьютермен жұмыс кезінде үзіліс жасаңыз және жақсы тынығыңыз. Дұрыс тамақтаныңыз. Тәтті, кофе, алкогольді ішімдіктер теріге кері әсерін береді - теріні түтіктіріп, серпімділігін жоғалтады. Балғын жемістер мен көкөністерді көбірек пайдаланыңыз, әсіресе теріге сәбіз, брокколи мен шпинат жапырақтары өте пайдалы.

Ұқсас сұрақтар

0 дауыс
3 жауап 1,099 қаралды
0 дауыс
2 жауап 1,099 қаралды
0 дауыс
5 жауап 2,267 қаралды
+1 дауыс
7 жауап 4,327 қаралды
Lamoda KZ