Мұнай, уран, т.с.с. ресурстарды сату, беру "елеулі үлес" деуге келмейді, ондайды барлығы жасай алады. Саяси үлесіміз аз емес:
1.Ядролық қарудан ең алғаш өз еркімен бас тарттық. Ел территориясындағы барлық арнайы урандарды, ядролық зауыттарды жойдық, РФ-на саттық, АҚШ-қа жөнелттік, көзін құрттық.
2.Көп конфессияға мүмкіндік берілді. Ондай елдер әлемде кемде-кем. Террордан қатты қорқады. Осы қадамның арқасында Қазақстанның сипатына тағы да жаңа мазмұндар енді: көпконфессиялы, көпдінді, толерантты ел.
3.КСРО қатарынан ең алғаш шықты, сөйтіп басқа елдердің де шығуына алып келді. ТМД құрамындағы қандас 15 елдің КСРО-дан шығуына түрткі болған - біздің ел.
4.Сыртқы саясатта ашық көрсетті. Мысалға әлем елдерін әскер бойынша бағалағанда Қазақстан бүкіл әскерін көрсетті, нәтижесі тізімде №4 орында. Егерде әлемнің бүкіл елі барлық әскерін шығарса, кім білген, тізім өзгерер ма еді?! Сондықтан Қазақстан жасырын саясаты жоқ ел секілді.
5.Көптеген іс-шаралардың атқарылуына себепкер болып жатырмыз. Біз өз көршілерімізбен және одақтастарымызбен бірге өңірлік және жаһандық қауіпсіздіктің АӨСШК, ШЫҰ, ҰҚШҰ сияқты жаңа тетіктерін құрдық. Түркиядан қарыз алдық, Қырғызстанға қарыз бердік, Жүрміз әйтеуір.
6.Көпұлттылық та біздің елімізде бар. Жапонияның 99 пайызы жапондар болса, олар өздерінен. Ал біз көпұлтты мемлекетпіз, тіпті 130 ұлт пен ұлыс өкілдерінің тізімінде Қазақстанда қалған 2 штук эскимостар да еніпті :))
Былайша айтқанда Қазақстан бейбітшілік пен жасампаздықтың үлгісі ретінде әлемге белгілі. БҰҰ Астанаға "Бейбітшілік қаласы" деп атақ берсе ол да Елбасы еңбегі. Қазақстан төрағалық еткен ұйымдар, өткізген саммиттер, жиындар мен көрмелер - Қазақстанның жетістіктері. Еліміздің алар асуы алда ғой әлі.
