Біз не істесек те, Анамыздың біз үшін жасағанын жасай алмаймыз. Түн ұйқысын төрт бөліп, бізді әлдиімен ұйықтатып, есейгенде уайымдап, көз іле алмаған, алысқа кетсек, сағынып, тілеуімізді тілеп, әр жеңісімізге шын қуанып, көңілі марқайып, бір жасап қалатын асыл Анамызды қолдан келгенше аялап, жетістіктерімізбен қуантайық. Анамыз көп нәрсе тілемейді,жақсылығына қайтарым күтпейді. Ана жүрегі сондай, кіршіксіз, шын жанашыр. Оған біз өзін ұятқа қалдырмай, қатарымыздан қалмасақ - сол жетіп жатыр. Анамыз басын тік ұстайтындай өмір сүрейік!
