Сайын БОРБАСОВ, саясаттанушы, саясаттану ғылымдарының докторы, профессор:
– Еуразиялық экономикалық одаққа кіргеннен Қазақстан ұтыла қоймас. Себебі бізге сауда-экономикалық байланыс өте қажет. Және өзара ортақ ұзақ шекарамыз бар Ресеймен қарым-қатынас жасау бізге тиімді. Онсыз болмайды. Бізге стратегиялық одақтас керек. «Жалғыз ағаш орман емес», Қазақстан жалғыз өзі тұрса, қорғанысы да, экономикасы да дамымайды. Бірақ ешуақытта еліміздің саяси һәм экономикалық тәуелсіздігін Ресейге сеніп тапсыруға болмайды. Сондықтан солтүстіктегі көршімізден бөлек Қытаймен де, Еуроодақпен де, АҚШ-пен де, Орта Азия мемлекеттерімен де қарым-қатынастарымызды нығайта береміз. Елбасының сыртқы саясатқа қатысты ұстанымдарының ең маңызды тұсы да – осында.
