Тұратұғын болашақтың үні кеп
Тартылар күй, айтылатын жыры көп.
Ерекше бір еркіндейік, бауырлар,
Басшымыздың бүгін туған күні деп.
Әнге толсын барлық қала, ауыл бар,
Қағылсын бір барабандар, дабылдар.
Елбасының туған күнін ардақтау –
Бәріміздің борышымыз, бауырлар.
Әзір болсаң, әніңе бас, жан құрбым,
Құдыретті Күләш болып жаңғырғын,
Құрманғазы домбырасы сөйлесін,
Асқақтасын жалын жыры Жамбылдың.
Елдің қамын күндіз-түні жеген ұл,
Қиындықтың барлығын да жеңе біл.
Қосылайық құрметіңе, бауырым,
Ұсынайық гүлімізді және бір.
Көңілімізге көздеріңнен нұр жеткіз,
Бар күніңді еліңменен бірге өткіз.
Масайраймыз, шаттанамыз әрқашан
Елге арнаған Жолдауыңнан гүлдеп біз.
Жанып тұрған жүрегіңде, кеудеңде ел,
Жан-жағыңда сан майданда жеңгендер.
Бақытына жолыққандай болады
Дәл қасынан дидарыңды көргендер.
Шын бақытты қолдарыңды алғандар,
Отыңды алып қуаныштан жанғандар.
Жаңа күнге үмітін кім жалғаса,
Басшыға еріп болашаққа самғаңдар.
Жанарыңда арман ояу, ой басым,
Сен сондасың, тосса сені қайда сын.
Жан бауырым, сенің туған күніңді,
Туған елің тойлап жатыр, тойласын.
