Ангина - тыныс жолдарын зақымдайтын, қыста басымыздан бір рет болса да өтетін ауру. Қыстыгүні онсыз да әлсіреген ағзамызға зиянын тигізетін ангинадан емделу жолдарынбіліп жүріңіздер.
Ангина кезінде тамақты шаюдан шаршамаңыз. Бұл көп дәрігердің айтатын кеңесі. Сонымен тамақты немен шаюға болады?
-
Жылы қайнатылған суға 1 шәй қасық ас содасы, 1 шәй қасық тұз және 5 тамшы йод ерітіңіз. Эвкалипт майының бірнеше тамшысын қосуға болады. Жиі шайып, шайғаннан кейін біршама уақыт ештеңе ішпеңіз.
-
Түймедағы, аскөк, басқа да емдік қасиеті бар шөп қайнатпасына эвкалипт майын қосыңыз. Күніне 4-5 рет шайыңыз.
-
Шалфей қайнатпасы да ангинаға қарсы керемет дәрі. Шайғаннан кейін, ештеңе ішіп-жемеуге тырысыңыз.
Балауыз. Ол тамақтың ісігенін басып, емдейді. Ангинамен ауыра бастағанда, бірден балауыз сорып жүруді әдетке айналдырыңыз.
Лимон. Лимонды тілімдерге турап, сорып жүріңіз. Артынан жылы шәй ішіп, келесі лимон тілімін ауызға салыңыз.
Ингаляция жасаңыз. Тамақты буландыру арқылы, оны әбден жылытып емдей аласыз. Мысалға картопты пісіріп, суын төкпей ішіне 3 тамшы йод, бірнеше тамшы скипидар, бір қасық сода салыңыз. Үстінен орамалмен жамылып, бумен дем алыңыз.
Пияз. Пияз шырынының 1-ақ қасығын ішу ангинамен қош айтысуға көмектеседі. Оған шыдамаймын десеңіз, пиязды майда қылып турап, ингаляция жасаңыз.
Орамжапырақ компресстері. Мойныңызға бірнеше жапырағын орап жатыңыз. Үстінен шарф байлап, ұйықтаңыз.
