Қош келдіңіз! Біздің сайтта сұрақтарға жауап беру арқылы ұпай жинап 100 мың теңге ұтып алыңыз! Сәттілік!

Ләйлә Сұлтанқызы өмірі туралы?

0 дауыс
369 қаралды
сұрады 20 Желтоқсан, 16 Melissa Tereshkova санат Тұлға, Адам

«Балапан» арнасының директоры Ләйлә Сұлтанқызы Сеңгірбекова. Көпшілік қауымға «SuperStar Kz» (ары қарай – СуперСтар) жобасымен танылған Ләйлә Сұлтанқызы бүгінде Қазақстанның телеарна саласындағы орны бөлек ерекше жандардың бірі болып отыр. Ол сондай-ақ «Қазақстан» арнасынан тікелей эфирде көрсетілетін «Әйел бақыты» бағдарламасының жүргізушісі. Оның жан-жақтылығы және тәжірибелілігі бізді сұхбат алушы ретінде қатты қызықтырды. Сұхбат барысында СуперСтардан бастап балалар мультфильміне дейінгі бірқатар тақырыптарды қамтыдық. Назарларыңызға сол сұхбатымызды ұсынамыз.

Ләйлә Сұлтанқызы туралы қысқа ақпарат

Туған жылы: 18.12.1977 ж.

Туып-өскен жері: Шымкент қаласы.

Жоғары білімі: әл-Фараби атындағы ҚазҰУ, Журналистика факультетінің түлегі.Отбасылық жағдайы: тұрмыс құрған, екі баласы бар.

    1 жауап

    0 дауыс
    жауап берді 20 Желтоқсан, 16 Melissa Tereshkova
    1. Менің салмағым шынында да 86 кг болды. Қазір 61. Бұл нәтиже — тек дұрыс тамақтану мен спорттың арқасы. Байқасаңыз «идеал»емес. Өзіме ыңғайлы, әзірге. Әзірге дейтінім, артық бірнәрсе жесем таңертең таразыда бірден көрінеді. Сол себепті, аптасына 1 рет «разгрузка» жасаймын. Дұрыс жасамасаңыз, талып қалуыңыз мүмкін (өзімде жиі болған).

    2. Менің толық жасым… 39-ға желтоқсанда толамын.

    3. Балаларымның әкесі бар. Өзі туралы айтқызбайды, мен де айтқым келмейді. Алдында отбасы болған. Өткенін құрметтеймін, балаларымен келіндермен араласамын.

    4. Әйел ретінде мен де тура сіздегідей проблема болады. Түсінбестік, ұрыс, реніш… Ақылмен шешуге тырысамын.

    5. 5 сағаттан артық ұйықтамаймын.

    6. Бет күтіміне ерекше мән беремін. Биоревилитация, плазмалиффтинг жасатамын. Ернімді үлкейткен жоқпын.

    7. Аяғым ауыр емес. Бірақ, қыз балалы болуды армандаймын. Денсаулығым «аттай» (тіл-көзден) Құдай бермей жатқан шығар.

    8. Мен сүйемін, сүйіктімін де…(тіл-көзден). Өзімді де жақсы көремін.

    9. Көлікті өзім жүргіземін. BMW X6

    10. Шашымның түсі қоңыр.

    https://szh.kz/4357/lajla-sultanqyzy-eldinh-koekejinde-zhurgen-saualdargha-zhauap-berdi/

     – SuperStar KZ (СуперСтар) өз уақытында бүкіл халықтық жобаға айнала алды. Оның жеңімпаздарын бүкіл ел біледі. Бірақ одан кейінгі осы тектес жобалардың ешқайсысы СуперСтар деңгейіне жете алмады. Мұның себебі неде: алғашқының эффектісі ме, әлде кейінгі жобалар сапасыз жасалды ма?

    –  Менің ойымша, алғашқының эффектісі-ау. Өйткені, 2000 жылдардың басында Қазақстанда шоу-бизнес, клип деген дүниені түсіне бастап, оларға деген сұраныс арта бастады. СуперСтардың дәл сол сәтте пайда болғаны оның бірден ел аузындағы жобаға айналуына септігін тигізді.  

    Келесі жобалар жаман болды деп айта алмаймын, мәселе тартымдылықтың жоғала бастауында сияқты. Мүмкін қазылар алқасында тартымдылық болмаған шығар, мүмкін ұйымдастырушылық жағы жеткілікті деңгейде болмаған шығар, білмеймін. Бір айтарым, жоба сәтті болуы үшін ұйымдастырушыдан қатысушыға дейін барлығы бір-бірімен жақсы үйлесуі тиіс, тек сонда ғана сапалы дүние шығады.

    «СуперСтардың бірінші маусымында қазылар алқасы дұрыс таңдалды»

    Ол кезде қазылар алқасы дұрыс таңдалды деп ойлаймын. Мен өзімді айтып отырғаным жоқ. Батырхан Шукенов, Роман Райфельд, Арман Мырзағалиев секілді танымал, әрі беделді өнер адамдарының бір жобада, бір ұжым болып тиімді жұмыс істеуі жобаның сәтті шығуына қатты әсер етті. Одан кейін Батырхан бірде-бір мегажобаға қатысқан жоқ. Райфельд журналистика саласында сол уақыттың Познері болатұғын. Арман болса, шетелден арнайы шақырылып, қазылар құрамын одан әрі күшейтті.

    Қазір жоба десе жастардың бәрі бара береді ғой, комплекс жоқ. Ол кезде бәрібір тұйықтық, ұяңдық басым еді. Әке-шешенің барлығы күнкөрістің қамымен жүрді. Балаға қарайтын уақыт та, жағдай да жоқ еді. Сол кезде өзін көрсете алған жастар мегажұлдызға айналды. Сол бірінші СуперСтарданшыққан жастардың 80 пайызы қазір сахнада жүр: Алмас, Мақпал, Айқын, Гүлнәр және т.б.

    – Алғашқының эффектісі бар екеніне келісемін, дегенмен басқа да факторлар бар шығар? Қазіргі жобалар облыс-облыстарды аралай ма?

    – Ондай жоқ. Мен айтып отырмын ғой, ұйымдастыру жағы да қазір өзгеше деп. Біз ол кезде 16 өңірді аралап, 16 облыс орталығында болдық. Әр өңірде бізді қашан келеді екен деп күтіп отырды, біздің келуіміз үлкен бір оқиға еді. Өңірлерді аралауға 2 айға жуық уақыт кетті. Бір жерде пойызбен, бір жерде көлікпен, бір жерде ұшақпен қатынадық. Қазақстанның барлық өңірлерінде болдық. Аяқ баспаған жерлерімізге бардық. Бұл жастарға да ыңғайлы болды. Алматыға келгеннен облыс орталығына келу оңай ғой.

    Енді әрине мұның бәрі оңайшылықпен келген жоқ. Продюсерлер Ақтан Сүйіншалин мен Бақыт Қилыбаев жобаның халықтық болуына бар күшін салды.

    Келесі маусымдарда «Не үшін 16 өңірді аралайды», «4 өңірде өте салса жетеді ғой», «анау ғой», «мынау ғой» деген пікірлер пайда болды. Осыдан барып жоба ықшамдала бастады.

    Бәлкім мәселе қаржыда болды ма екен. Алайда қаржы дейтін болсам, қазіргінің қаржысы жоқ па деген сауал туындайды.

    «Менің СуперСтар жобасына қатысуыма Батырхан себепші болды»

    – Жобаның қазылар алқасына қалай келдіңіз?

    – Мені ұсынғанда мен таңғалдым әрине. Менде ешқандай да сенім де болған жоқ, мені таңдап алады-ау деген. Бірақ та кейін артынан естідім, менің таңдалуыма Батырхан себепші болыпты. Реті келгенде Батырханнан сұрадым не үшін мені қорғаштағанын. «Елге келіп жүргенде» – деп бастады, Мәскеуде тұратын еді ол кезде, «Бүкіл телеарналарды қарап, радиоларды тыңдаймын, сол кезде арасында көріп қалатынмын, томпақ бір қыздың жұмыс істейтінін» – деді жалғастырып. Расында да мен өте томпақ болдым (күлкі). «Содан қазақ тілінде жақсы сөйлейтін бір қызды білемін деп сені айтқан болатынмын, көпшілік сені танымағандықтан қарсы болды» –  деп жауап қатты. Кейінірек жекедара әңгімелесу (собеседование) болды ұйымдастырушылармен. Әңгімелесуге менен бөлек Асылбек Еңсепов, Жолбарыс Сейфуллин секілді әртістер көптеп келді, бірі кіріп, бірі шығып жатты. Сөйтіп мен де кірдім. Әрбір үміткермен осылай жекедара сөйлескен екен. Енді біздің бар артықшылығымыз: сол сәттегі қазақ эстрадасын бүге-шігесіне дейін білетін едім. Себебі менің радиода істеген кішкене тәжірибем болды: бұрынырақтағы, сол сәттегі, жаңа әндер, кім не жазайын деп жатыр, қандай бағытта, оны қалай шығармақ соның бәрі маған мәлім болған. Қойылған сұрақтарға дұрыс жауап бергендігім ба екен, әйтеуір бір-екі айдың ішінде «сіз таңдалдыңыз» дегенде мен өте қатты таңғалдым.

    Ұқсас сұрақтар

    0 дауыс
    1 жауап 316 қаралды
    0 дауыс
    2 жауап 489 қаралды
    0 дауыс
    0 жауап 170 қаралды
    0 дауыс
    0 жауап 168 қаралды
    0 дауыс
    1 жауап 270 қаралды
    0 дауыс
    1 жауап 315 қаралды
    0 дауыс
    1 жауап 372 қаралды
    0 дауыс
    0 жауап 134 қаралды
    0 дауыс
    0 жауап 241 қаралды
    0 дауыс
    0 жауап 192 қаралды
    0 дауыс
    1 жауап 329 қаралды
    Lamoda KZ