Француз мүсіншісі Фредерик Огюст Бартольдидің жұмысы бастапқыда «Әлемді нұрландыратын бостандық» деп аталғанымен, қалың жұртшылық арасында мүсінді «Леди Либерти» деп атау дәстүрі қалыптасқан.Ескерткіш Нью-Йорктің Манхеттен жақ бөлігіндегі Бостандық аралында орналасқан. Мүсін орналасқан орынды Фредерик Огюст Бартольдидің өзі таңдаған. Бұған дейін, яғни XIX ғасырдың басына дейін бұл орында бес жұлдызды қорған тұрған көрінеді.Аталған ескерткішті 1876 жылы Франция АҚШ-тың тәуелсіздік Декларациясына жүз жыл толған мерейтойынаарнап сыйға тартқанымен, оның салтанатты ашылу шарасы тек он жылдан кейін, яғни 1886 жылы өткен екен. Былтырғы жылы мүсінің 125 жылдық мерейтойы әлемдік деңгейде аталып өтті.
