Қазақ қызы Аюка, ораза - мұсылман адамға парыз етілген нәрсе. Мен сізге қысқаша түсіндіруге тырысайын. Парыз дегеніміз - Ислам дініндегі бес шарт, яғни:
1) Куәлік сөзі- Алланың бір екенін, Мухаммедтің (Алланың сәлемі мен берекеті болсын) Алланың елшісі және құлы екеніне куәлік етіп, осы сөздерді жүрекпен растау;
2) Намаз оқу - жоғарыдағы сөзді растағаннан кейін, ақыл есі дұрыс, балиғат жасынан жеткен мұсылманның орындауға міндетті нәрсесі;
3) Рамазан айында ораза ұстау - денсаулығы жарайтын мұсылманның ораза тұтуы;
4) Зекет - байлығы, дүние- мүлкі көп мұсылманның белгілі бір мөлшерде, яғни дүниесінің көлеміне қарай беретін заты.
5) Қажылық - шамасы келген мұсылманның Меккеге барып, белгіленген құлшылық түрлерін өтеуі.
Байқағаныңыздай "мұсылманның" деген сөздің асты сызылған, демек бұлар мұсылман адамға парыз, бұлардың әрқайсысы өз алдына бөлек құлшылық, тек 1- шартқа ғана соңғы төртеуі тәуелді. Яғни 1- шартты сезінбей, оразаны арықтау немесе басқа мақсатта орындасаңыз, сонда бекер болуы мүмкін. Демек ораза- намаз оқымауға қатысы жоқ құлшылық. Оразаңызды осы жылы да ұстай беріңіз бұйыртса!
Бұл түсініксіз болса, басқаша айтып көрейін. Бұл 5 шарт - Жаратушының бізге жүктеген міндеттері. Мысалға сіздің бастығыңыз немесе сізден үлкен адам бөлек-бөлек үш тапсырманы уақытын белгілеп тапсырса, сіз оны бір-біріне қоспай, бөлек - бөлек, дәл уақытында орындап, апарып өткізер едіңіз. Бұл 3 тапсырманы алғашқы 3 шарттай қабылдаңыз! Алла барша адамның бастығы, сондықтан да адам баласы өзіне жүктелген міндетті орындауға тиіс. Қайталап айтам, оразаны тастамаңыз, және намазға ниеттенсеңіз оны да оқып кетерсіз!
