Үй соғу үшін лай кірпіштерді қолдануға болмайды деген заң шыққаны рас па?

Question

Біз үйіміздің алдыңғы бөлігін бұзып, қайта тұрғызбақшымыз. Қаржылық жағынан ыңғайлы болғандықтан лай кірпішпен соғамыз деп ойлаған едік, Қазір лай кірпіштен салынған үйлерге құжаттар берілмейді деп естіп, тоқтап қалдық. Басқа кірпішке қаржы тапшы болып тұрғаны, енді не істерімізді білмей отырмыз. Араларыңызда білетіндеріңіз болса, көмектесіңіздерші.

Answer 1

Жанкилек, негізінен ондай тәртіп бары рас. Бірақ ол қала ортасынан салынатын қабатты үйлерге жүреді. Қала сәулетіне кері әсері болмас үшін. Ал сендердің үйлеріңнің бұрыннан құжаты бар, әрі сол негізгі құрылыстың өзі де саман кірпіштен. Сондықтан оған жапсырма ретінде салынған үйді рәсімдеуде еш қиындық болмайды деп ойлаймын. Сонда да аудандық архитектура бөлімінен сұраған дұрыс болар. Бұл жерде еске алатын тағы бір жағдай, саман қыштан салынған үйлерді банк кепілдікке алмайды, сол жағы болмаса.

Answer 2

Түһ, осындай-осындай пәлсапаны қайдан табасыңдар-ей?! Лай кірпіштен салынған үй өте ыңғайлы емес пе? Жазда салқын, қыста жылуы тарқамайтын ондай үйлерге құжат берілмейтіні рас болса, су шайып кетудің алдын алғандары шығар.