Әкесінің асырауында отырған балаға, анасына алимент төлеуі дұрыс па?

Question

Менің жолдасым бірінші әйелімен ажырасқан. Бірінші некесінен екі баласы бар.
Бір баласын ажырасқаннан бері өзі тәрбиелеп, асырап-бағып отыр. Бірақ екі балаға да алимент төлеп отыр. Екеуміздің (екінші некеден) ортақ екі баламыз бар. Бір баланың біздің асырауымызда болуына және екінші некеден екі баланың болуына байланысты сотқа жеңілдік жасау туралы арызданғанбыз, бірақ қанағаттандырылмады. Әкесінің асырауында отырған балаға, анасына алимент төлеуі дұрыс па?

Answer 1

Сәлеметсіз бе. Әрине дұрыс емес. Бірақ соттың шешімі бұзылмағанша заңды болып табылады.Біріншіден Сізге баланың әкесімен тұратынын заңды түрде белгілеу қажет. «Неке (ерлі-зайыптылық) және отбасы туралы» Қазақстан Рсепубликасының Кодексінің 73-бабының 2-бөлігіне сәйкес ата-аналары бөлек тұратын кезде баланың тұрғылықты жерi мен заңды мекенжайы ата-аналарының келiсiмiмен белгiленедi.
Келiсiм болмаған кезде ата-аналардың арасындағы дауды баланың мүдделерiн негiзге алып және оның пiкiрiн ескере отырып, ата-аналардың талап етуі бойынша қорғаншылық немесе қамқоршылық жөніндегі функцияларды жүзеге асыратын органның қатысуымен сот шешедi.