Қош келдіңіз! Біздің сайтта сұрақтарға жауап беру арқылы ұпай жинап 100 мың теңге ұтып алыңыз! Сәттілік!

Жаңаөзенде болған оқиғаға арнап өлең шығарыпты,дид менің мамам???

0 дауыс
402 қаралды
сұрады 12 Қараша, 16 Азамат Ақылбаев санат Қоғам
өте әсерлі дид,қайдан алуға болады?

.... бірнеше минуттан соң...

Жаңаөзен тақырыбына жыр арнаған алғашқылардың бірі - қызылордалық Лена Әбдіхалықова. Қазақтың жырсүйер қауымына әу баста айтыспен танылған ақынның жаңа өлеңі Азаттық сайтында «Еркін сөз» айдарымен жарияланды.

– Бұзақы да емес ел,
Масыққан да жоқ олар!
Төрін түлкі жайласа,
Төмендейді Обал, Ар! – деп келетін өлеңін аутор желтоқсанның 17-сі күні жазыпты.

Азаттық радиосы сайтының «Еркін сөз» айдарымен жарық көрген тағы бір туынды – ақтаулық ақын әрі журналист Рахат Қосбармақовтың «Мұнар күн» деп аталатын толғау-өлеңі.

– Қандастарыма қарата
Атылған арсыз оқ көрдім.
Айдаһар сынды араны
Аузынан шашқан шоқ көрдім.
Жер бауырлатқан жұртымды
Жендетті иттен жек көрдім.
Қанішерлердің ісіне
Қарайып қаным, кектендім.
Талайды бастан өткердім,
Талайға жақтас боп келдім.
«Өз халқына өкімет
Оқ атпайды» деп келдім, – деп жырлайды Рахат Қосбармақов.
.....

Қуаныш МҰҚТАЙ: “ҚАЗАҚҚА ДА ТАҢ АТАР!”
Қаралды: 924
Бір кез сезер қазақтар таң да атқанын:
Бұғалықта алданып көп жатқанын,
Тізеден кешіп жүріп қан-батпағын –
Ғасырдың бастан кешкен зардаптарын,
Құрбан болған Жаңаөзен қазақтарын,
Бостан алған қазақтар ардақтарын!!!

Ессіз билік, асқынып, долданады,
Есі кетіп, күш-қару қолданады!
Көріп тұрып ұлтымның қырылғанын,
Бұл ақының тыпырлап жынданады.
Кері айналтпақ тарихтың доңғалағын –
Биліктің кім кешірер қорлағанын?!

Дүние-ай!
Алма-кезек сен қандайсың?
Оқ тиген жүрегінен мен аңдаймын!
Тағы да қан!
Қан ақты!
Жерге сіңіп...
Тағы да таң –
Тұншықты қанға жүзіп!
Тағы ойран –
Танымалы – террор аты,
Жау билік қазақтарды көздеп атты!
(Қазақпын ұйқыдағы – мен оңбаймын,
Гүрсілден оянбаған сор маңдаймын...)

О, Қазағым!
Мен сені құдай көрем,
Сенің үшін намазға құлай бергем.
Қандыбалақ жау билік баудай қырып,
Аңыратты қазақтың шаңырағын!

О, Жаңаөзен!
Сендерді аза тұтып,
Жүректен қан сорғалап, жылайды өлең.

Қарусыз қол қаламға қарманады,
Ойқой жалған, болдың-ау, зарламалы!
Ажал сеуіп, қазаққа оқ боратып,
Тағдырымды Нұрсұлтан тамамдады:
Қанға жерік, қандықол, жауыз билік,
Жазалап жатыр әлі тоқтамады...

Не болары белгісіз,
Не болар күн?!
Еңсемізді басқанда қап-қара түн,
Айықпадық, еңіреп, күрсінуден.
Болмас енді!
Болмайды бұлай жату:
Жала жауып қазаққа, айыптаса –
Үнін өшір!
Бас көтер!
Уа, Қазағым!

1 жауап

0 дауыс
жауап берді 12 Қараша, 16 Азамат Ақылбаев
Әміржан Қосанов. Жаңаөзенге.

Өзенім, менің Өзенім,

Өзенім, менің өз елім!

Өзіңді атып жатқанда

Өз-өзім қалай төземін?

Өзенім менің, Өзенім,

Өрелі өлкем, өз елім.

Өлгенін көріп өреннің

Өртенді өксік өзегім!

Қымтанып күтем қысты алда,

Жылытар мені Өлең-дүр.

Бәйкүнә оққа ұшқанда

Күнәһар болып, мен өлдім!

От жанса, ізі - шоқ қалар,

Қаласаң жанар қар қалың.

Болайын саған оққағар,

Болайын сенің қалқаның!

Қалталы бүгін - арқалы,

Қалтасыздарға күш таңды!

Сырт күшке кінә артады, -

Таппай ма ішкі дұшпанды!

Әрбірі - жігіт сұлтаны,

Дес бере қоймас кім кімге!

Ырымшыл елдің ұрпағы

«Бүлікшіл» болды бір күнде!

Қомағай шеннің құлқыны -

Астары адам атудың!

Биліктің өзі бұл күні -

Атасы арандатудың!

Өзенім, менің Өзенім,

Өзіңнен қалай беземін?

Қорқақтық сынды бір дерттің

Қалайша табам тез емін!

Құдай-ау, қашан қарастың?

Ызадан қайнар бар қаным!

Бағы емес, соры Алаштың

Мұнайды бүгін қарғадым!

Ақтауым - ағым, ақ қала,

Жеңіл ме сенің құт-тұзың?

Мұнайдың түсі қап-қара,

Ал қанның түсі - қып-қызыл!

Аузыма дәмі кеп кермек,

Еңсемді басты мықты зіл!

Туымның түсі - көкпеңбек,

Ал қанның түсі - қып-қызыл.

Каспийдің көркі - көк айдын,

Шындықтың жолы - тіпті ұзын!

Басқаның түсі - неғайбыл,

Ашудың түсі - қып-қызыл!

Өзенім, менің Өзенім,

Аққуым ару, гөзелім!

Іздеумен сендей тектіні

Дүниені төрткүл кеземін!

Өзенім, менің Өзенім,

Өр мінез, өткір, өз елім!

Үндемей қалсам, дәл ертең

Менің де келер кезегім!

Ерекше ызғар бар қыста,

Көктемің - алыс сағым ба?

Біліп қой, билік, тартыста

Мен болам халқым жағында!

Өзенім менің, Өзенім,

Өркенді елдің өзі едің!

Өзенге көмек бермедің -

Ерлерсің қашан ез елім?!

Өзенім менің, Өзенім,

Өзенім менің - өз елім!

Билікке тықыр таянды,

Мен соны анық сеземін!

Өлеңім - көңіл сарасы.

Қолымда - қалам, жыр туы.

Өмір мен өлім арасы -

Мылтықтың жалғыз дүмпуі.

Көрмейтін көзді соқыр ет,

Өрлеусіз өлкең - отарың!

Өсекшіл өктем - Өкімет,

Өгей боп кеткен Отаның!

Шырылдап шыдам шақ қалды,

Көзімнің жасын бұлайын.

Өзіңді бүгін атқанды

Атсыншы ертең Құдайым!

19 желтоқсан 2011 жыл

Ұқсас сұрақтар

0 дауыс
1 жауап 311 қаралды
0 дауыс
1 жауап 762 қаралды
Lamoda KZ