Жер шарында Жаңа жылды ең алдымен қарсы алатын халық - Фиджи архипелагінің 160 аралының тұрғындары. Мұнда барлығы 320 арал бар.
- Шотландия мен Уэлсте ескі жылдың соңғы секундында есікті кеңірек ашып, ескі жылды «шығарып» жібереді де, Жаңа жылды «кіргізеді».
- Үндістанның əр ауданында Жаңа жылды əр уақытта, қыркүйектен наурызға дейін қарсы алады. Мереке құрметіне ұшырылған көлемі өте үлкен, түрлі-түсті батпырауықты екі мерген садақпен атады. Батпырауық жанған кезде той басталады.
- Панамада Жаңа жыл өрт сөндіргіш мұнарадағы зор қоңыраудың құлақ тұндырған ащы дауысымен басталады.
- Болгарияда Жаңа жыл дастарханына басқа да тəтті тағамдармен бірге күміс теңге қосып, бірнеше қабат етіп пісірген самса қойылады. Оның жанында денсаулық пен ұзақ өмір сүрудің белгісі - кизил ағашының бір бұтағы жатады. Күміс теңге тап болған адам Жаңа жылда зор бақытқа кенеледі деп есептеледі. Дастархан басында біреу түшкіріп қалса, жақсы ырымға санайды. Оған көктемде туған алғашқы қозыны, лақты, құлынды, əйтеуір бір жас төлді сыйға тартады.
- Иранда Жаңа жылды наурызда қарсы алады. Дəл сағат 12-де үстел басындағылар қолына күміс теңге ұстауға тиіс. Əйтпесе, халық нанымында ол адам жыл бойы жат елде өмір сүреді.
- Бразилиялықтар Жаңа жылда көшелеріндегі бағандарды гүлмен, қоңыраумен безендіріп қояды.
- Эфиопиялықтар Жаңа жылды қыркүйектің 10-11-інде қарсы алады. Жаңа жылда бірыңғай ақ киім киеді, ерте тұрып, шіркеуге барады. Сосын самырсын ағашының көлеңкесінде Жаңа жылға арнап дастархан жаяды. Балалар Жаңа жылға арнап салған суреттерін ата-анасынай сыйлады. Үй ортасынна жіп керіп, əлгі суреттерді іліп қояды. Сонан кейін мерекелік дастархан басына отырады.
