"Қазпошта" компаниясының твиттердегі ресми аккаунты қазақ тілінде қойылған сұраққа жауап беруден бас тартып, оны суахили тілімен салыстырды.
@amanshaev ҚАЗПОШТА қазақ тілін суахилимен салыстырды. Наразылар RT жасайық! #Kazposttwitter.com/ArystanPatsha/…
— Arystan Patsha (@ArystanPatsha)
12 марта 2013 г.
Сәйкесінше, бұндай күтпеген жауапқа қазақ тілді қолданушылар твиттер және фейсбук сияқты әлеуметтік желілерде қарсылық білдіріп жатыр. Қарсылық шарасы ретінде олар осы ақпаратпен әлеуметтік желідегі өз беттерінде жаппай бөлісу жолын таңдап алды.
Суреттегі мәтін:
„ҚазПочта“ АҚ мемлекеттік тілде коммуникациядан бас тартты!
Қазақстан Республикасының пошта байланысының ұлттық операторы ретінде „Қазпошта“ АҚ конституциялық құқықтарымды бұзды. Менің туиттердегі @kazpost аккаунтына жазған мәлімдемеме мемлекеттік тілде ешқандай ақпарат берілмеді. Есесіне құлақтандыру орыс тілінде жазылды. Мемлекеттік тілде ақпарат беру өтінішіме қарамастан, коммуникация басқа тілде жүргізілді, қазақ тілі тіпті суахили тілімен салыстырылып МАЗАҚ етілді!
Осы жайтты елеусіз қалдырмайық, әлеуметтік желілердегі қауыммен бөлісейік. (C) Arystan Patsha
Біздің сайттың қолданушылары да осы үрдістен шет қалмауы үшін осы ақпаратпен бөлісіп отырмыз. Сіздің ойыңызша "Қазпошта" компаниясының бұл әрекеті әрекеті дұрыс па? Бұған кім кінәлі?
Осы ақпаратты кеңінен тарату үшін сұрақтың астындағы бөлісу батырмалары арқылы өз беттеріңізде жариялауға болады. Қазақ тілінің тағдырына немқұрайлы қарамайық.
