Hyundai компаниясы көліктің есігін телефон арқылы ашуға мүмкіндік беретін Connectivity Concept технологиясымен таныстырды. Бағдарламаның тесттік нұсқасы i30 хэтчбегіне орналастырылған.
Жүйенің жұмыс жасауы үшін смартфонға NFC сымсыз байланыс модулі орнатылған болуы керек. Есікті құлыптау немесе құлыпты ағыту үшін телефон көлікте бекітілген арнайы орынға қойылады.
Жаңа бағдарлама арқылы, сонымен қатар, көліктің мультимедиялық жүйесін оңай басқаруға болады. Мәселен, музыканы ауыстырып, радиотолқындарды баптауға мүмкіндік бар.
