Астана. 5 тамыз. Baq.kz – Ғалымдар Эбола вирусына қарсы вакцинаны 2015 жылға дейін ойлап табамыз деп мәлімдеуде. Бұл туралы Би-би-сиге берген сұхбатында танымал иммунолог Энтони Фаучи айтқан.
Доктор Энтони Фаучи - АҚШ-тағы аллергия мен жұқпалы аурулар ұлттық институтының директоры. Оның айтуынша, бұған дейін жануарларға сынақ ретінде салынған вакциналарды адамға пайдалану ағымдағы жылдың қыркүйек айында басталады. Ал, толыққанды емдейтін вакцина 2015 жылға қарай дайын болмақ.
Америкалық дәрігерлердің айтуынша, Батыс Африкада Эбола дертін жұқтырған дәрігер Кент Брэнтлидің жағдайы жақсарған. Оны қазір АҚШ клиникаларының бірінде сынамалы вакцинамен емдеп жатыр.
