Ғаламдардың Раббысы Алла Тағала адам баласын жаратты. Ол оны топырақтан жаратты. Бұл, әрине, ғылым мен техника қарыштап дамыған, халық жаппай сауатты, көзі ашық саналатын осынау заман тұрғысынан алып қарағанда баяғы надан адамдарға арналған ертегі тәрізді естілетіні анық. Бірақ, бұл шындық.
«Расында Біз адамды саз балшықтың сыңғырлаған құрғағынан бейнелеп жараттық». Құран Кәрім. Хыжыр 15:26
«Шын мәнінде оларды (Мекке мүшіріктерін де) бір жабысқақ саз балшықтан жараттық». Құран Кәрім. Саффат 37:12.
Соңғы аят өздерінің ақирет күні қайта тірілетіндеріне сенбеген Мекке мүшіріктеріне байланысты түскен. Бұл аят сол мүшіріктердің әуел баста топырақтан жаратылғандарын, өлген соң қайтадан топыраққа айналатындарын, және ақирет күні олардың тәндері топырақтан қайта жиналып, қайта тірілетіндерін ұқтырады.
Олар өз жаратылысын ұмытып бізге мысал берді: «шіріп кеткен сүйектерді кім тірілтеді?» деді. (Мұхаммед Ғ.С.): «Оны алғаш кім жаратса сол тірілтеді. Ол барлық жаратылысты біледі» де. Құран Кәрім. Йасин 36:78,79
Қазіргі күнде де өздерінің қайта тірілетіндіктеріне сенгілері келмейтін жандар өздерінің топырақтан жаратылғандықтарын қабылдағылары келмейді. Олар топырақтан жаратылдық деп Алланы мойындағаннан көрі өздерінің маймылдың тұқымдары екендіктерін мойындағанды әлдеқайда жөн көреді.
Саналы да мәдениетті мұндай жандар өздерін ақылсыз, лас хайуанның тікелей ұрпағы санаудан еш қорланбайды. Кейбіреулер өздерінің маймыл тұқымынан екендіктерін қасарыса дәлелдеуге тырысатындары соншалықты олар тіпті өздерінің маймылдың тұқымынан екендіктерін мақтан ететіндей көрінеді.
Адамзаттың ата тегін маймылдардан таратуға тырысатын кейбір ғалымдар мұны қаншалықты дәлелдеуге тырысса да ол тек болжам күйінде ғана қалуда. Бұл мәселеде оларға тіпті қазіргі заманның ғылыми жетістіктері де еш септігі тигізе алмауда. Сондықтан бұл мәселе әлі күнге дейін басы ашық мәселе болып қалуда.
Бұл мәселеде адамдардың маймылдардан тарайтындығына қарсы түрлі пікірлер де айтылуда. Сол пікірлердің бірі бойынша қазіргі маймылдар бір кездердегі азып, өздерінің адамдық кейіпінен айырылып қалған адамдар болып табылады. Бұл әрине, жай ғана айтыла салған сөз емес, бұл белгілі бір ғылыми дәлелдерге негізделген пікір.
Мысалға, антропологиялық, және генетикалық мәліметтер бойынша Австралияға адамдар осыдан 40 мың жыл бұрын барған екен. Сол кездерге тән қазба сүйектердің құрылысы қазіргі аборигендердің дене құрылысына қарағанда әлдеқайда көш ілгері екен. Демек, 40 мың жылда даму емес, керісінше, кері кету үрдісі орын алған.
