Question

Анардың пайдалы, емдік қасиеттерін білесіз бе?

Answer 1

Гемоглобинді көбейтеді. Анардың басты, әрі біз үшін маңызды қасиеті ­– анемиямен күресуі. Қаныңыз аз болса екі ай бойына тамақтанудың алдында жарты стақан анар шырынын күніне үш рет ішуіңіз керек.

Қысымды төмендетеді. Анардың сүйектері артериалық қысымды азайтады екен.

Гормондардың белсенділігін арттырады. Анардың сүйектерінің құрамындағы май ағзамыздың гормондық балансын қалпына келтіреді. Сондықтан, сүйектерін түкіріп тастамай, жеп қойғаныңыз дұрыс. Әсіресе, басы ауруымен, климакспен және тек әйелдерге тән аурулармен күрескенде осы анардың сүйектерінің әсері мол.

Тамақ пен ауыз қуысын тазалайды. Анардың қабығынан жасалған сусынды немесе анар шырынын ангина, фарингит, гингивит пен стоматит кезінде тамақты шаю үшін қолдануға болады.

Инсулиннің орнын басады. Диабет аурына шалдыққан адамдар үшін тамақтану алдында күніне 4 мезгіл анар шырынының 60 тамшысын ішу керек екен. Үшінші күні-ақ қаныңыздың құрамындағы қанттың азайғанын байқауға болады.

Сәуле таралуын (радиация) шығарады. Сәуле таралатын аймақта тұратын немесе сәулелі изотоптармен жұмыс істейтін адамдар үшін ең пайдалысы ­– анар шырыны.

Теріңізді емдейді. Егер теріңіз майлы, безеулі болса, анардың қабығын сәл қуырып, ұнтақтап, оған сары немесе зәйтүн майын қосып, маска жасаңыз. Бұл масканы тоңазытқышта сақтап, аптасына екі рет қолдану керек. Кептірілген анар қабығының ұнтағымен күйген, тырналған теріні емдеуге болады.

Қабынуды емдейді. Әртүрлі қабынған ауруларды (бүйрек, бауыр, көз, құлақ, буындар) анар қабығының қайнатпасы емдейді. Оны былай дайындайсыз: ұнтақталған қабықтан екі шай қасықты бір стақан ыстық суға құйып, жарты сағат қайнатыңыз, оны сүзіп, сығып, қайнаған сумен араластыру керек. Тамақтануға жарты сағат қалғанда күніне 2-3 рет 50 грамнан қабылдау керек.

Есте сақтаңыз!

Анардың қабында алкалоид атты улы заттар бар. Аталған қайнатпалардың мөлшерін көбейтпеңіз. Көбейген жағдайда қысымыңыз көтеріліп, басыңыз айналып, көзіңіз көрмей қалуы мүмкін. Сонымен қатар, анар шырынының органикалық қышқылы тістің эмалін бұзуы мүмкін. Сол себепті, оны үнемі сумен араластырып отырғаныңыз жөн.

Answer 2

Анар жидегінің құрамында А, В, С, Е  дәрумендері мен калий, йод, темір, кремний, кальций сияқты минералды заттар көптеп кездеседі.

     Анардың пайдалары:

     Энергия беріп, шөлді және шаршағанды басады. Денені, жүректі, асқазанды және тіс еттерін қуаттандырады, артериялық қысымды түсіреді, асқазанның қабынуы, ауыз жарасы үшін пайдалы. Иммунитет жүйесін күшейтеді. Қатерлі ісік жасушаларының дамуына кедергі болып, денені қорғайды. Қандағы холестерин деңгейін және қан қысымын түсіреді. Тамырдың бітелуін алдын алып, тамырларды ашады. Осындай қасиеттері ен жүрек пен тамыр ауруларына қарсы қорған болады. Қандағы қант мөлшерінің деңгейін тепе-теңдікте ұстап, қант диабеті ауруларына пайдалы болып келеді. Тері ауруларына да пайдалы. Анар шырыны дауыстың шығуына көмектеседі.

     Анардың емдік қасиеттері:

     Ем ретінде анар жидегі, қабықтары, ағашының тамырлары, тамырының қабықтары және бұтақтары қолданылады.Бұл жемісті жедел ішек, зәр шығару
жолдарының ауруларын, қаназдықты, жұқпалы тері ауруларын емдеуге пайдаланады.Анар қалай қолданылады? Анар жидегі, қабықтары, ағашының тамырлары мен бұтақтары мен тамырының қабықтары қолданылады. Бұл жемісті жедел ішек, зәр шығару жолдарының ауруларын, қаназдықты,атеросклерозды, баспа мен жұқпалы тері ауруларын емдеуге пайдаланады. Кептірілген анардан қайнатылған шай жүйке жүйесін тыныштандырады. Суық дертіне шалдыққандар күніне бір кесе анар шырынын бір қасық бал араластырып ішуі керек. Анардың қабығын суға қайнатып, бұл қоспаны ауызын шайып отырса, тіс жегісінің алдын алуға болады. Шашыңыз жиі түсетін болса, тершең болсаңыз, осы қайнатпаны пайдаланыңыз.

Comments

Анар өте пайдалы. Көптеген ауруларга ем. Әсіресе қан аздығы. Дәреумендерге бай, анардың таза шырынын ішу қажет.