АСТАНА. Сәуірдің 20-сы. BNews.kz. – Американдық журнал «Forbes» 2010 жылдың қорытындысы бойынша әлемнің ең бай адамдарының рейтингісін ұсынды. Миллиардерлер тізіміне 7 қазақстандық кірді.
Қазақстандық олигархтардың тізімінде «Қазақмыс» корпорациясының иесі Владимир Ким 3,7 млрд доллар дәулетімен көш бастап тұр. «Forbes» тізімінде 247-ші орынға табан тіреді.
ENRC компаниясының ортақ иелері Патох Шодиев, Александр Машкевич пен Алиджан Ибрагимов В.Кимге сәл ғана есе жіберіп тұр (әрқайсысында 3,3 млрд доллардан, 287-ші орын).
«Forbes» деректеріне сай, Халық банктің ортақ иелері Тимур Құлыбаев пен Динара Құлыбаева 1,1 млрд доллар дәулетімен 880-ші орынға жайғасты.
Қазақстандық миллиардерлер тізіміне сонымен қатар Казкоммерцбанк Директорлар кеңесінің төрағасы Нұржан Субханбердин 1 млрд доллар дәулетімен кіріп, рейтингінің 1140-шы орнына орналасты.
