Уақыт күтіп тұрмайды. Дағдарыс әлі күнге дейін жүріп жатыр. Бұның салдарын біз көріп отырмыз. Оның үстіне, Ресей мен Батыстың арасындағы бір-біріне санкция жариялау мәселесі бар, басқа жағынан алып келгенде, Таяу Шығыста болып жатқан жағдайлар бар. Осының барлығы Қазақстанға өзінің ықпалын тигізеді. Сондықтан, біз осыған қарсы шара қолдануымыз керек. Халықтың сенімін ақтау үшін қиын-қыстау жағдайда елді аман-есен алып шығу жағдайларын ойлау керек.
Алдымызда тұрған екі-үш жыл оңай болмайды. Бүкіл дүниеге де, елімізге де. Сондықтан, не істеуіміз керек, қандай шаралар қолдануымыз керек, осыған байланысты мен Жолдауды ертерек жолдайын деп отырмын. Қалған елу күннің ішінде Үкімет осы Жолдауда не істеу керек екенін дайындап, өзінің іс шараларын қолданып, Жаңа жылдан бастап іске кірісуі керек.
