2010 жылдан бастап «Күміс алқа» алқасымен алты бала туған және тәрбиелеп өсірген аналар, алтыншы балалары бір жасқа жеткен және басқа балалары тірі болған кезде наградталады. (негіз: «Қазақстан Республикасының мемлекеттік наградалар туралы» ҚР 1995 жылғы 12 желтоқсандағы № 2676 Заңы).
Жоғарыда аталған заңнамаға сәйкес мемлекеттік наградалармен наградтауға ұсыныстарды жергілікті атқарушы органдар енгізеді.
36-бап. "Алтын алқа" алқасымен наградталған немесе бұрын "Батыр-Ана" атағына ие болған көп балалы аналар белгіленген нормалар бойынша тұрғын үй алаңымен бірінші кезекте қамтамасыз етіледі. Отбасы мүшелерімен бірге тұрғын жайды ұстап-күтуге, сондай-ақ коммуналдық қызметке шығыстарды төлеу үшін арнаулы мемлекеттік жәрдемақы төленеді.
Ескерту. 36-бап жаңа редакцияда - ҚР 1999.07.26 N 462 Заңымен.
37-бап. "Күміс алқа" алқасымен наградталған көп балалы аналарға жеңілдіктер жергілікті бюджеттер қаражаты есебінен белгіленуі мүмкін.
Ескерту. 37-бап жаңа редакцияда - ҚР 1999.07.26 N 462 Заңымен.
