Орталық сайлау комиссиясы ҚР Президенті болуға үміткерлікке өзін-өзі ұсынушылардың алғашқы легінің аты-жөнін жария етті, - деп хабарлайды Tengrinews.kz тілшісі.
"2 наурыз күні Орталық сайлау комиссиясына өз кандидатурасын өзін-өзі ұсыну тәртібі бойынша Сырғабаев Асқар Жорабайұлы арыз берді. 3 наурыз күні тағы да өзін-өзі ұсыну тәртібімен өз кандидатураларын Алдажанов Сафиолла Қалабайұлы, Қойшиева Лимана, Әбдікәрімов Бақыт Төлегенұлы және Мырзашов Сухраб Әминжанұлы ұсынды", - делінген ОСК таратқан хабарламада.
Сөйтіп, комиссияның мәліметінше, бүгінде сайлау науқаны барысында бес талапкер ұсынылып отыр, оның біреуі - әйел адам.
