Қош келдіңіз! Біздің сайтта сұрақтарға жауап беру арқылы ұпай жинап 100 мың теңге ұтып алыңыз! Сәттілік!

Руға бөлінудің пайдасы мен зияны?

1 жауап

0 дауыс
жауап берді 27 Қазан, 16 Азамат Ақылбаев

Руыңды білген дұрыс, руға бөлініп қым-қиғаш болу аз қазаққа жараса ма? Екінші жағынан алсақ адамзаттың басына зіл-батпан жүк түскенде, азғындықтың батпағына белшеден батқанда, ауызбірлігіміз ыдырай бастағанда, өзге елдің қаңсыған қалдығын ту етіп, теріс ағымның тастақ жолында кетіп бара жатқандарға қол ұшын берерде«Руың кім?» — деп сұрау қаншалықты орынды? Мұнайыңды масаттана сорып, жеріңді қарыстап алып, шекарашыларыңды шетінен қырып тастаған кезде осынау факторлар бірігуді керек етпей ме? Соңғы уақытта қазақтың руға бөлінуі қоғамда қатты белең алып бара жатыр. Қызметке орналассаң да, басқа да көмекке зәру болсаң да ата-тегіңнің септігі тиеді деп ойлайсыз. Әсіресе, соңғы уақытта рушылдықтың бейнесі айқын білініп жатыр. Олай дейтініміз, дүкен ашса да ру атын жазып, мінген көлігіне де өз тегін таңбалап қоятынды шығарды бұл қазақ. Қаланы аралап жан-жағыңызға көз салсаңыз «Қыпшақ», «Найман» деген кафелерді көресіз. Осыдан аз уақыт бұрын қаладағы ірілі-ұсақты қоғамдық көліктердің маңдайынан да ру атын оқитынбыз. Кейін маршруттарға тендер өткен соң, біршама жазулар алынып тасталды. Бұған да шүкіршілік еттік. Тіпті, қазір әр ру өз «президентін» сайлап алған... 
Бәрін айт та, бірін айт қанша ғасыр бойы қазақ болып, тұтаса алмай жатқанда, басқа емес, көп алдында жүрген өнер жұлдыздарының өз атына руын жалғап алып жүргеніне не дерсіз? Мысалы ма? Айталық: Нұрлан Албан, Аша Матай, Сара Найман, Ақылбек Жеменей, Майра Керей… Ә дегенде тіліміздің ұшына келе қалғандарының өзі осынша…Барлығы да — ел сүйіп тыңдайтын, өнерде өзіндік орнын қалыптастырып үлгерген белгілі әншілер. 

пікір қалдырды 27 Қазан, 16 Азамат Ақылбаев
Сонда бұл қазақ кімнен, не себепті бөлініп жатыр? Айналдырған аз халықтың ала тайдай бөлінуінен не ұтамыз... Онсызда ұлтымыздың көп ғасыр бойы бөлінуінен берекеміздің быт-шыт болғаны әлімсақтан белгілі емес пе еді?! 
Мемлекеттің басты байлығы – тыныштық. Егемендік алғалы ел бесігі тынықтау тербелді. Ал көршілеріміздің қай-қайсысын алсаңыз да, бізге қарағанда азуы алты қарыс. Бар әлемді қызықтырар байлығымыз жетерлік. Бұған қарсы қорғанысымыз қаншалықты мықты? Алла берген тәуелсіздігімізді сақтап қалудың маңыздылығын қалай сезініп келеміз? Әркім өз жүзін дәріптеп, ру-руға жіктеліп жүргенде, осы әлсіз тұсымызды пайдалануды көздеп жүргендер қаншама? Кезінде Ресей осы рушылдығымыз арқылы бірімізді-бірімізге айдап салып, қынадай қырғандарын қалай тез ұмытамыз? Аллаһ Тағала Қасиетті кітабында бізге: «Бірлікке ұмтылыңдар», — деген жоқ па еді.

Ұқсас сұрақтар

0 дауыс
3 жауап 332 қаралды
+1 дауыс
3 жауап 666 қаралды
+1 дауыс
3 жауап 1,033 қаралды
0 дауыс
1 жауап 405 қаралды
0 дауыс
3 жауап 541 қаралды
Lamoda KZ