Босанғаннан кейін толып кетпес үшін не істесем болады?

0 дауыс
84 қаралды
сұрады 03 Тамыз, 15 Жұман санат Денсаулық, Әдемілік
Менің екінші балаға аягым ауыр. Босанганнан кейин толып кетпес ушин не истесем болады?

1 жауап

0 дауыс
жауап берді 03 Тамыз, 15 Арман
 
Үздік жауап
Ана мен бала фитнес-жаттығулары
 
Егер балаңыздың салауатты өмір салтын ұстанғанын қаласаңыз, ең алдымен өз іс-әрекетіңіз арқылы үлгі бола біліңіз. Себебі, бала көбінеки Сіздің айтқан ақылыңызды емес, күнделікті жасап жүрген іс-әрекетіңізді қайталайды. 
 
Сәбилі болып, «семіріп»…
 
Жүктілік кезінде шамамен 10-15 келі салмақ қосатыныңыз айдан анық. Сол себепті босанғаннан кейінгі дене бітіміңіз өз көңіліңізден шықпауы әбден мүмкін. Бастапқы бір-екі айда артық жаттығу жасай алмайсыз. Бала емізетіндіктен диета ұстау, жүгіру, велосипед тебумен айналысуға да болмайды. Бірақ бұрынғы қалпыңызға келу үшін қандай әрекет болса да жасауға дайынсыз. Мұндай жағдайда Сізге кім, не көмектеседі деп ойлайсыз? Әрине, сәбиіңіз!
 
Ана мен бала фитнес-жаттығулары қалай жүзеге асады?
Сәбиіңіз екі айдан асқан кезде гинеколог-дәрігердің рұқсатын алып, дене жаттығуларын жасай бастасаңыз болады. Мұндай жаттығудың ерекшелігі – қандай жаттығу жасасаңыз да періште –сәбиіңіздің қолыңызда болуы. Ал артықшылығын сұрар болсаңыз, жіпке тізгендей етіп айтуға болады:
1. Ана мен бала арасындағы қарым-қатынасты нығайта түседі; 
2. Баланың спортқа деген сүйіспеншілігін қалыптастырады. 
3. Жаттығу барысы 40-45 минуттан аспайтындықтан, бала зерігіп те үлгермейді. 
4. Жеке жаттығу кезіндегідей «Балам жылап қалды ма екен?!» деп уайымдамайсыз, себебі ол көз алдыңызда болады.
5. Жаттығулар Сізге ғана емес, оған да көтеріңкі көңіл-күй сыйлайды. Сіз артық салмақтан арыла бастасаңыз, оның бұлшық еттері мен буындары дамиды.
 
Ескерту. Ширату, айналдыру, қолын созу сияқты іс-қимылдар балаңызға ұнамаса, жаттығуды ары қарай жалғастырмаңыз.
 
Неден бастау керек?
1. Ана үшін сағат 15.00-16.00 шамасы (бұл уақытта зат алмасу қызметтері қарқынды жүреді), ал бала үшін емізгеннен кейін 40 минут өткендегі кез жаттығу жасауға қолайлы уақыт. 
2. Жаттығу жасайтын бөлмені бір желдетіп алыңыз.
3. Үстіңізге өзіңізге ыңғайлы киім киіп алыңыз. 
4. Сүрініп не тайып жығылмас үшін жаттығумен айналысатын орыннан басы артық заттарды алып тастаңыз.
5. Айғай-шуы жоқ әдемі әуен қосып, билеңіз. Билегенде бөпеңізді қолыңызға көтеріп жүруді ұмытпаңыз! Балаңыздың былқ-сылқ еткен басын міндетті түрде кеудеңізге жақын ұстаңыз.
6. Әуенмен бірге әндете жүріңіз. Бұл Сіздің жүрек қағысыңызды қалыпқа келтірсе, балаңыздың қуануына, көңілді болуына септігін тигізеді.
7. Оқыс қимылдармен балаңызды қорқытып алмаңыз.
8. Күн өткен сайын балаңыздың салмағы ауырлай беретіндіктен, жаттығуды шамадан тыс көп жасамаңыз. Бүкіреюден және жаттығуды шектен тыс көп жасаудан сақтаныңыз.
9. Әр жаттығуды көп дегенде 10 реттен, ал уақыт өте келе 15-20 ретке дейін көбейтесіз.
 
Ал енді үй жағдайындағы ана мен бала фитнес-жаттығуларын бастаңыз!

Ұқсас сұрақтар

  1. WilliamHann4

    100 балл

  2. IgnacioPower

    100 балл

  3. Lorenza02I7

    100 балл

  4. GustavoConti

    100 балл

  5. TawnyaSizemo

    100 балл

Lamoda KZ