Қытайлық миллионер тибет мастифі күшігін 10 млн юаньға сатып алды. Бұл – 1 000 000 долларға жуық ақша. Дүниежүзінде бұрын-соңды ит тұқымы мұнша қымбатқа сатылған емес.
The Daily Mail басылымының хабарлауынша, 11 айлық күшік әлемдегі ең қымбат ит ретінде рекорд иесі атанбақ. Оның жүні ашық жирен түсті. Аты – Хун Дун, қытай тілінде ол «судың үлкен шалпылы» дегенді білдіреді. Күшікті өмірге әкелу үшін қожайыны көп ақша жұмсаған. Оны қымбатқа бағалағаны сондықтан. Хун Дунның жаңа қожайыны итке тауық, сиыр еті, балық, теңіз өнімдері мен қияр беріп өсіргелі отыр. Тибет мастифі иттің нағыз қытайлық тұқымы саналады. Аңыз бойынша мұндай ит Буддада болған. Мастифтердің терісі қатты келеді, олар қожайынына ешқашан айбат шекпейді. 2009 жылы осындай тұқымды төбет 60 мың долларға сатылып, сол кезең бойынша ең қымбат ит деп танылған болатын.
http://alashainasy.kz/world/20299/