Жаңатас - Қазақстандағы қала, Жамбыл облысы Сарысу ауданының орталығы. Облыс орталығы — Тараз қаласынан солтүстік-батысқа қарай 170 км жерде, Қаратау жотасының солтүстік беткейінде жусан, күйреуік, баялыш өскен таудың сұр топырақты шөлейт белдемінде орналасқан. Тұрғыны 20 759 адам (2010).Iргесі ірі фосфорит кенін игеруге байланысты 1964 ж. қалана бастады. 1969 ж кентке, 1971 ж қалаға айналды.
